Марий Элын социал вияҥмаш министрже калык деке обращений дене лектын
Марий Элын социал вияҥмаш министрже эпидемиологий ситуацийлан кӧра калык деке обращений дене лектын. Министр Марина Островскаян шомакше правительствын сайтыштыже вераҥдалтын. Тудо палемден: республикыште илыше калык, поснак илалше тукым! Республикым вуйлатыше шке Указышкыже вашталтышым пуртен. Тудын дене келшышын кугурак ийготан-влаклан самоизоляций обязательный лийын. Социал пашаеҥ- влак полышым пуаш эре ямде улыт. Тиде- эмым да эн кӱлешан сатум налын кондаш, тыгак ялыште илыше- влак эмлыме верыш мияш мобильный бригадын полышыж дене пайдаланен кертыт. Психологий полышым пуышо республикысе «шокшо линий» пашам ышта. Номерже: 8 83 62 21-10-40. «Социал диспетчер» увер контакт- рӱдерын телефонжо 21-01-09. Министр чыла илалше- влакым мӧҥгыштӧ кодаш ӱжеш.
