Марий Элыште 78 тӱжем наре еҥ пенсий ийготыш лишемеш

                   Марий Элыште кызыт 77 тӱжемат 680 еҥ пенсий ийготыш лишем толшылан але предпенсионерлан шотлалтеш. Льготылан правам пуышо тиде статусым Пенсий фонд пеҥгыдемда. Марий Элыште пеҥгыдемдаш йодмаш утларакше пашам пуышо- влак деч пура. Кодшо ийын льготын тӱҥалмыж деч вара Пенсий фонд орган- влак 10 тӱжемат 736 еҥ шотышто уверым колтеныт. Паша да пашавер шотышто департаментыш кум тӱжемат 692 еҥ шотышто уверым колтымо, еҥ- влаклан кидышкышт тӱжемат 296 справкым пуымо.
                   Пенсий ийготыш лишем толшо еҥ льгото дене пайдаланынеже гын, пашам пуышо организаций-влак электрон йӧн дене ПФР-ыш статусым пеҥгыдемдаш йодмашым шке колтат. Тидын годым гражданинлан территориальный органыште справкым йодман огыл. Тиддеч посна предпенсионер категорийыш пуртымо нерген справкым ПФР-ын сайтыштыже личный кабинетыште налаш лиеш.
                  Ушештарена: пенсий ийготыш лишем толшо еҥ- влаклан ондак пенсий ийготыш шумеке пуымо льгото да социал полыш аралалт кодеш. Тиде- яра эм, траснпортышто льгот дене коштмаш, капремонтлан да моло илыме вер да коммунал полышлан скидке, погылан да мландылан налог деч эрыкаҥдымаш. 2019-ше ий гыч эше у льгото- влакым пуртымо. Предпенсионный льготылан права у пенсий ийготыш шумо деч вич ий ончыч куснымо жапым шотлен пуалтеш. Тений тыгай правам 1968-ше ийыште шочшо да кугурак ийготан ӱдырамаш- влак да 1963-шо ийыште шочшо да кугурак ийготан пӧръеҥ- влак налыт. Исключенийлан налог льгото шотлалтеш. Тудо 55 да 60 ийыш шумеке гына пуалтеш.

Прошлые выпуски