«Илыме шумо ола» фотоконкурсым иктешлыме
Республике кӱкшытан «Илыме шумо ола» фотоконкурсым иктешлыме. Тиде Йошкар-Олан шке шотан экологий портретше. Конкурсыш 59 еҥ деч 188 фотосӱрет пурен. Шке пашаштым профессионал фотограф- влакат, возкалаш йӧратыше- влакат колтеныт. Жюри сеҥыше- влакым палемден. Икымше верым лӱмлӧ фотограф Пётр Васильевын «Кеҥеж» пашаже налын. Кокымшо верыш мемнан ончычсо коллегына Августа Романован «Кушто шып да ласка, тушто чон кана» пашаже лектын. Кумшышто Ирина Головёнкинан «Йошкар- Ола» фотопашаже улеш. Сеҥыше- влакым диплом да окса пӧлек вучат. Жюри тыгак икмыняр номинаций дене сеҥыше- влакым палемден. Нунын коклаште шым автор улыт. Нунылан дипломым да шарнымашан пӧлекым кучыктат. Моло- влак участникын сертификатшым налыт. 26 эн сай пашам Чавайн лӱмеш калыкле книгагудышто фотовыставкыште вераҥдыме.
