Игорь Петухов- Юлтехын ректоржо
Россий Федерацийын туныктыш министерствыже Юлтехын ректоржылан Игорь Петуховым пеҥгыдемден. Теҥгечысе приказ дене тудо Юл кундемысе кугыжаныш технологический университетын ректоржылан тенийсе 20-шо ноябрь гыч 2025-ше ий 19-ше ноябрь марте пеҥгыдемдалтеш. Ушештарена: 4-ше сентябрьыште Юлтехыште университетын коллективше ректорым сайлыме шотышто конференцийым эртарен. шолып йӱклымаш почеш Игорь Петуховым сайлыме. Тудо технике науко доктор, профессор. Юлтехым 1999-ше ийыште тунем пытарен.
