Ураев бульварым кугу вашталтыш вуча
Йошкар-Олаште Ураев бульварым кугу вашталтыш вуча. Тудын икымше ужашыжым, Киров деч Петров урем марте кужытым, чоҥаш подряд организацийым ойырымо шотышто электрон аукционым увертарыме. Проект почеш корным кок йыжыҥ дене чоҥымо лиеш. Бульвар мучко корнын тичмаш кужытшо 764 метрыш погына. Тӱҥалтыш акше 158 миллион теҥге. Тиде акышке инженер сооружений- влакат пурат. Бульварыште йӱр вӱд йоген кайыме канализаций, дренаж система, тулым пуртымо паша, вӱдым ситарыме да йоктарен колтымо сеть, кыл линий ышталтшаш. Тыгак транспорт чарналтыш да машинам шогатыме вер- влак лийшаш улыт. Пашам шушаш ийын ноябрьлан мучашлаш палемдыме.
