Марий Элын сулло артистше Борис Ерондейкинын шӱмжӧ кырымым чарнен

Марий Элын сулло артистше Борис Ерондейкинын шӱмжӧ кырымым чарнен
               Марий Элын сулло артистше Борис Ерондейкинын шӱмжӧ кырымым чарнен. Курык марий кундемын эргыже Республикысе культпросвет училищым тунем лекмеке, «Марий Эл» Кугыжаныш куштышо ансамбльын солистше лиеш, уста куштызо семын самырык жапшым марий куштымаш- влакым калык коклаш шарен колтымылан пӧлекла. «Марий Элын сулло артистше» Чап лӱмым сулен налеш. 1993-шо ий гыч Республикысе калык усталык рӱдерыш пашаш кусна да тудлан озанлык пӧлкам вуйлаташ ӱшанат. Ӱмыржӧ мучко тӱвыра аланыште пашажым ӱшанлын да чаткан шуктен. Рӱдерым вияҥдымашке пыштыме надыржым, пашаеҥ- влаклан йӧнан лийже манын тыршымыжым вуйлатыше- влакат, коллегыже- шамычат кӱкшын акленыт. Борис Иннокентьевич Ерондейкин нерген поро шарнымаш калык шӱмеш курымешлан кодеш.
               Фото: Республикысе калык усталык рудер.

Прошлые выпуски