Регионым вуйлатыше республикыште правопорядкым ыштыме шотышто туҥ задаче- влакым рашемден
Регионым вуйлатыше республикыште правопорядкым ыштыме шотышто туҥ задаче- влакым рашемден. Правопорядкым ыштыме шотышто эре пашам ыштыше координаций совещанийыште Юрий Зайцев республикыште тӱшка лӱдыкшыдымылыкым пеҥгыдемдыме пашан кӱлешлыкшым палемден. Мероприятийыште федерал кучем органын территориальный виктемыштым вуйлатыше, министерстве ден ведомствылам вуйлатыше- влак лийыныт. Полиций начальникын тӱшка порядкым аралдыме шотышто алмаштышыже Михаил Плотников докладым ыштен. Тудын мутшо почеш кодшо ийын пуштмаш шагалемын, шолыштмаш ден толымашым шагалрак регистрироватлыме. Посна тӱткышым киберлӱдыкшыдымылык йодышлан да самырык- влак коклаште правонрушенийым шижтарымылан ойырымо. Тыгак силовой структура ден кучем орган- влакын мер-политик ласкалыкым арален кодымо, провокациян акций- влакым жапыштыже чарыме пашаште вашкылышт нерген ойлымо. Республикыштына Сеҥымаш кечылан пӧлеклалтше торжественный мероприятий- влак лийшаш улыт. Сандене чыла силовой структурын, Администрацийын вийыштым ушаш, правопорядкым ышташ, профилактике мероприятий- влакым эртараш кӱлеш. Чыла тидыже осалым шонышо- влакын провокацийыштым ончылгоч кораҥдаш полша,- каласен Юрий Зайцев. Совещанийыште тыгак калыкле проект- влакым да федерал проектлам шыҥдарыме годым правонарушений- влаклан ваштареш шогымо мера- влак нерген йодышым ончымо. Юрий Зайцев кӧргӧ аудитым вияҥдаш да нарушений- влакым шижтараш кӱштен.
Фото: Марий Элым вуйлатышын администрацийжын увер дене пашам ыштыше пӧлкаже.
