Йошкар-Оласе Транспорт уремыште йӱрвӱд канализацийым олмыктат
Йошкар-Оласе Транспорт уремыште йӱрвӱд канализацийым олмыкташ тӱҥалыт. Ола администраций тудым уэмдаш электрон аукционым увертарен. Заказчикше «Ола озанлык дирекций» улеш. Паша Корно инфраструктурым олмыктымо кышкарыште шукталтеш. Проект документаций почеш вӱдым йоктарен колтымо тоштемше системым вашталтыман. Проектировщик- влак рашемденыт: канализацийын тӱҥ проблемыже- пластик лотоклаште йошкын погына да вӱдым шагал налын кертеш. Тидлан кӧра вӱд транспорт коштмо корнышто погына. Подрядчик вӱдым колтышо пластик лотокым да тоштемше пучым вашталта, вӱдым погышо куд вынемым у кугу диаметран да ошмам кучен кодышо дене вашталта, пел метр диаметран у пучым пышта. Тыгак олмыктымо годым тӱкымӧ корно шартышым, бордюр кӱым, газоным тӧрла. Контрактын тӱналтыш акше шым миллионат 500 тӱжем утла теҥге лиеш. Окса олан бюджетше гыч ойыралтеш.
Фото: Алексей Сахаров.
Фото: Алексей Сахаров.
