Йошкар-Ола администрацийыште тул пижме лӱдыкшыдымылык да шошо вӱдшорым аварий деч посна эртарен колтымо йодышым каҥашыме

Йошкар-Ола администрацийыште тул пижме лӱдыкшыдымылык да шошо вӱдшорым аварий деч посна эртарен колтымо йодышым каҥашыме
             Йошкар-Ола администрацийыште тул пижме лӱдыкшыдымылык да шошо вӱдшорым аварий деч посна эртарен колтымо йодышым каҥашыме. Олан мэрже Антон Трудиновын эртарыме комиссийын заседанийыштыже докладым Граждан оборона да вучыдымо ситуаций паша шотышто виктемым вуйлатыше Фарид Ахмадуллин, МЧС-ын еҥже- влак Станислав Ямбаршев ден Константин Паймеров ыштеныт. Совещанийыш тыгак Йошкар-Олан прокуроржо Сергей Гусаченком ӱжмӧ.
              Климатым эскерыме почеш Йошкар-Олаште  январь ден февраль 1936-шо ий гыч  эн луман тылзе семын историйыш пуреныт. Январьыште вӱдыжгӧ нормым 2,4 гана эртен, февральыште лум нормо деч 290 процентыш погынен. «Город» ушемын пашаеҥже- влак йӱрвӱд вынем- влакым эрыкташ тӱналыныт, вӱд погынымо верлаште ешарен лумым кораҥдаш тӱналыт. Вӱдым тулышо Спецтехникым кучышо муниципал предприятий- влаклан техникым пашалан ямдылаш кӱштымӧ. Гидротехник сооруженийлаштат пашам тӱналме.
              Лум шулаш тӱналеш гын частный пӧрт- влакым вӱд налын кертеш. Сандене вӱдым колтышо канаве- влакым эрыктыман. Виктарыше компаний жен ТСЖ вуйлатыше- влак шуко пачеран пӧртлан подвалыштым вӱд налме деч эскерышаш улыт, подваллаште проход- влакым эрыкташ кӱштымӧ. Тыгак тул пижын кертме да тудым шижтарыме йодыш- влакымат каҥашыме.
         Фото: Йошкар-Ола администраций.

Прошлые выпуски