Республикыште эше кок еҥ вӱд йымаке каен
Республикыште эше кок еҥ вӱд йымаке каен. Кок туткаржат теҥгече лийын. Йошкар-Ола кумдыкысо Чихайдарово ер воктене пӧръеҥ-влак каненыт улмаш. Кочывӱдым подылыныт. Иктыже йӱштылаш каен да вӱд гыч лектын огыл. Вес туткар Курыкмарий районышто лийын. Сура эҥерсерыште вате-марий да палыме ӱдырамашышт каненыт. Пӧръеҥ йӱштылаш пурен да вӱд йымаке каен. Ӱдырамаш-влак тудым луктыныт, икымше полышым пуаш тӧченыт, но утарен кертын огытыл.
