Марий Элысе сӱретче- влак ушемым вуйлатыше Кугыжаныш награде дене палемдалтын
Марий Элысе сӱретче- влак ушемым вуйлатыше «Марий Эл ончылно надырлан» орденын медальже дене палемдалтын. Республикым вуйлатыше Александр Евстифеев «Российысе сӱретче- влак ушемын» Марий пӧлкажым вуйлатыше Евгений Ярановлан «Марий Эл ончылно надырлан» орденын медальжым кучыктымо шотышто Указым луктын. Тудын сӱрет сымыктышым вияҥдымашке пыштыме надыржым тыге кӱкшын аклыме. Евгений Яранов республикысе ик вӱдышӧ сӱретче. Тудо тематик радына, пейзаж, портрет, натюрморт дене пашам ышта. Тӱҥ пашаже- влак сар темылан пӧлеклалтыныт.
