Марий Элыште 2024-ше ийлан кажне школышто театр студийым почаш шонат
Марий Элыште 2024-ше ийлан кажне школышто театр студийым почаш шонат. Республикыштына школысо театр толкын чолган вияҥеш. Тунемме тӧнежлаште 200 утла школ театрым ыштыме. А 2024-ше ийлан тыгайым кажне школышто почаш палемдыме, увертара туныктыш министерстве. Волжск оласе школлаште кызыт 11 театр клуб пашам ышта. Тушто 236 йоча шуаралтеш. Тунемше- влак шкеныштым актёр, режиссёр, продюсер семын терген ончат. Тидлан нунылан профессионал артист- влак полшат. Туныктыш министерстве ден тӱвыра министерствын «Школ театр» проектым шыҥдарымышт годым республикысе школлашке актёр ден режиссёр- влак миен коштыт. Нуно мастар-классым эртарат, театр- влакын историйышт нерген каласкалат, шке шонымашыштым ойлат. Оршанке районысо школлаш Эрик Сапаев лӱмеш опера да балет театрын коллективше миен. «Йӱксӧ ер» балетыште куштышо артист- влак ӱдыр-рвезе шамычым у постановко- влакым шындаш кумылаҥденыт.
Фото: Туныктыш министерстве.
Фото: Туныктыш министерстве.
