Марий Элыште аэровокзал комплексыште чоҥымо да монтаж пашам мучашлыме

Марий Элыште аэровокзал комплексыште чоҥымо да монтаж пашам мучашлыме
             Марий Элыште аэровокзал комплексыште чоҥымо да монтаж пашам мучашлыме. Йошкар-Олаште инфраструктура бюджет кредитлан кӧра аэропортын у пассажир терминалже лиеш. Объект 88 процентлан ямде, чоҥымо да монтаж пашам мучашлыме. Кызыт оборудованийым конден шогат, вераҥдат да пашалан келыштарат. Объектым пашаш тений колтышаш улыт. Аэровокзал комплексым чоҥымаш калыкын илышыжым саемдаш полша. Молан манаш гын, 2023-шо ий октябрь гыч аэропортым пужен ыштымылан кӧра мемнан деке самолёт- влак огыт чоҥештыл. Адакшым у терминал турист- влакым кумылаҥда да республикылан экономически кушкаш йӧным пуа, -каласен кундемлам вияҥдыме фондын генеральный директоржо Ильшат Шагиахметов. Куд тӱжем наре квадрат метр кумдыкан у зданий ончычсо терминал воктене верланен да шагатыште 400 еҥым колтен кертеш. Проектыш пассажир терминал, вокзал воктелсе площадь, толмо корно, шокшым, вӱдым ситарыме система, быт да йӱрвӱд канализаций пурат. Проектлан чылаже ик миллиардат 700 миллион теҥгем ойырымо.
                  Фото: Йошкар-Ола аэропорт.

Прошлые выпуски