Марий Элыште эше ныл ялыш газым пурташ лиеш
Марий Элыште эше ныл ялыш газым пурташ лиеш. «Газпром газораспределение Йошкар-Ола» Советский районысо Пивактын починга, Янгранур, Васташуй да Шанер яллашке куд меҥге утла кужыт газпучым чоҥен. Тыге 129 суртыш газым пуаш йӧн лектын. А Пивактын почингасе икымше пӧртлаште канде тулым чӱктымӧ. Компанийыште ойлымо почеш, кызыт Пивактыныште 21 ойпидышым кылдыме, тушечын 18-ыжым шуктымо. Ныл ялыштыжат чарныде газым пуэн шогаш манын газорегулятор пункт- влакым верандыме. Ушештарена: тений республикыштына газификаций программе почеш куд районысо 12 ялым газ деке ушаш палемдыме.
Фото: Архив.
Фото: Архив.
