Марий Элыште этнотӱвыра олимпиада вузыш тунемаш пураш полша
Марий Элыште этнотӱвыра олимпиада вузыш тунемаш пураш полша. Йошкар-Олаште этнотӱвыра олимпиадын регион- влак кокласе йыжыҥже эртен. Тушто 32 тунемше шинчымашыжым ончыктен. Марий Эл, Татарстан, Башкортостан, Свердлов область гыч ӱдыр-рвезе- влак марий йылмым палыме кӱкшытышт, марий сылнымутым шинчымышт дене таҥасеныт. Туныктыш министерствын уверже почеш, сеҥыше да призёр- влак Марий университетыш профилян специальность дене тунемаш пурымышт годым усталык конкурсышто ешартыш баллым налыт. Мероприятийын лектышыже семын йыргешке ӱстел йыр мутланымаш лийын. Тушто кажне регионын еҥже- влак шке кундемыштышт марий йылмым арален кодымо паша нерген каласкаленыт. Мучашлан участник- влак дипломым, тауштымашан серышым да сертификатым налыныт.
Марий йылме ден шинчымашым тергымаште 11 –ше класс гыч Морко районысо Унчо школыш тунемшыже Ольга Степанова икымше верым налын, 10-шо класс гыч Советский районысо Кельмаксола гыч Дарья Загайнова, 9-ше класс гыч Курык марий районысо Пистерла школ гыч Валерия Кузьмина икымше верыш лектыныт. Марий сылнымут дене сеҥыше- влак тыге радамлалтыныт: 11 класс гыч Параньга районысо Матародо школ гыч Людмила Калинина, 10-шо класс гыч Татарстанысе Агрыз район Буймо школ гыч Злата Михайлова, 9-ше класс гыч Параньга районысо Кугу Пумарий школ гыч Юлия Канашина сеҥыше лийыныт.
Фото: Туныктыш министерстве.
Марий йылме ден шинчымашым тергымаште 11 –ше класс гыч Морко районысо Унчо школыш тунемшыже Ольга Степанова икымше верым налын, 10-шо класс гыч Советский районысо Кельмаксола гыч Дарья Загайнова, 9-ше класс гыч Курык марий районысо Пистерла школ гыч Валерия Кузьмина икымше верыш лектыныт. Марий сылнымут дене сеҥыше- влак тыге радамлалтыныт: 11 класс гыч Параньга районысо Матародо школ гыч Людмила Калинина, 10-шо класс гыч Татарстанысе Агрыз район Буймо школ гыч Злата Михайлова, 9-ше класс гыч Параньга районысо Кугу Пумарий школ гыч Юлия Канашина сеҥыше лийыныт.
Фото: Туныктыш министерстве.
