Йошкар-Оласе кучем Складской уремым олмыкташ 31 миллион теҥгем кучылташ шона

Йошкар-Оласе кучем Складской уремым олмыкташ 31 миллион теҥгем кучылташ шона
           Йошкар-Оласе кучем Складской уремым олмыкташ 31 миллион теҥгем кучылташ шона. Заказчик семын муниципал заказын дирекцийже лектын. Контрактын тӱҥалтыш акше 31 миллионат 568 тӱжем теҥге. Шуктымо жапше- тений икымше октябрь. Олмыктышаш кужыт- 708 метр. Окса ола бюджет гыч ойыралтеш. Складской урем Ширяйково микрорайонышто верлана: Луначарский уремыште тӱҥалеш да «Йошкар-Ола- Зеленодольск» кӱртньӧ корно воктене мучашлалтеш. Тушто производство предприятий да склад пӧлем- влак, «Гудок» гараж кооператив верланеныт. Илыме пӧрт урем мучашыште гына уло. Кызыт урем мучко асфальтше лунчырген пытен, корно ден тротуар- влак йодмаш дене келшен огыт тол. Йӱрвӱд канализаций Луначарский урем дене ушнымаште гына уло, вӱд тайыл почеш гына йоген кая. Шапаш корно укелан кӧра олмыктымо жапыште уремым тичмаш огыт петыре, полоса дене олмыкташ тӱҥалыт. Паша «Качестван лӱдыкшыдымӧ корно» калыкле проект кышкарыште ышталтеш.
            Фото: «ВНД».

Прошлые выпуски