Марий Элыште грипп да ОРВИ шотышто чарымаш мероприятий- влакым пуртымо
Марий Элыште грипп да ОРВИ шотышто чарымаш мероприятий- влакым пуртымо. Теҥгече Республикысе тӱҥ кугыжаныш санитар врач Светлана Булатован вуйлатымыже почеш правительстве пеленысе санитар- эпидемий ваштареш шогышо комиссийын заседанийже лийын. Тушто республикысе медицина организацийлаште грипп да ОРВИ чер шотышто чарымаш мероприятий- влакым пурташ пунчалме. Чыла стационар ден амбулаторный медицина тӧнежыште обязательный маска режимым пуртымо. Тыгак дезинфекций, пӧлемлам южтарымаш да кварцеваний шотышто йодмаш пеҥгыдемеш. Амалжылан кылме чер дене шукырак черланымаш шотлалтеш. Пытартыш кум арняште черланыше- влак палынак шукемыныт- кокытат пеле гана. Кылме чер дене черланымаш ешаралтме дене ковид шотыштат эпидситуаций начареммаш, внебольничный пневмоний ешаралтмаш палдырна. Маске режим эпидемий сӱретым мыняр- гынат кучен шогаш полша.
