Марий Элыште Килемар муниципал округ шочын
Марий Элыште Килемарыште верланыше административный рӱдеран муниципал округ шочын. Йошкар-Олаште Владимир Мухинын вуйлатыме дене Кугыжаныш Погынын 42-шо сессийже пашам ыштен. Пеҥгыдемдыме повестке дене келшышын депутат- влак 20 йодышым ончен лектыныт. Ончымо икмыняр законодательный акт верысе самоуправлений йодыш дене да республике кундемым административно-территориално шеледыме йодыш дене кылдалтыныт. Пеҥгыдемдыме закон дене келшышын Килемар ола шотан илем дене районысо вич ял шотан илем ик муниципал образованийыш ушалтыт да муниципал округ статусым налыт- Килемар муниципал округ лиеш. Вашталтышын тӱҥ цельже- финанс да кадр ресурсым ушен, пайдале верысе самоуправлений ышталтеш, бюджет оксам пайдалын кучылташ йӧн лиеш. Эше кок законым Йошкар-Олан чекшым генеральный план дене келшышын палемдаш ямдылыме. Шернур ден Советский районлаште икмыняр ялым ушымо да пытарыме шотышто ондак лукмо решенийым пеҥгыдемдыме. Кок районышто икымняр ялым ушымо шотышто калыкын йодмашыжым шуктымо. Куженер районышто Кульшит ден Аганур ялым Аганур ялыш ушат. У Торъял районышто Кугу Кемсола ден Изи Кемсола Токтарсола деке ушнат, Алеево Элеволко ял деке, Пактек Макмат деке, Эшпайродо- Кугу Нурмо дене ушалтыт.
Фото: Марий Эл Кугыжаныш Погын.
Фото: Марий Эл Кугыжаныш Погын.
