Йошкар-Олан рӱдыштыжӧ колызо- влакын таҥасымашышт эртен
Йошкар-Олан рӱдыштыжӧ колызо- влакын таҥасымашышт эртен. Тушко 23 колызо ушнен. Изи Какшын эҥер серыште эҥырвоштыр дене колым кучымо Йошкар-Олан чемпионатше лийын. Тӱҥ туржо вич шагат шуйнен. Тиддеч вара кучымо колым вискаленыт да сеҥыше- влакым саламленыт. Чемпионатыште спортсмен- влак Марий Эл да Чуваший гыч лийыныт. Но чап пьедесталым пӱтынек Йошкар-Ола колызыжо- влак айленыт. Шӧртньӧ кубкым Михаил Егошин налын. Тудын колжо кум килом эртен. Ший медаль Константин Чёрныйлан логалын. Тудо кок килоат 300 граммым кучен. Кок кило утла кол дене той призым Константин Писарев налын.
Фото: Данил Жиров (Марий Элысе колым кучымо спорт дене федераций).
Фото: Данил Жиров (Марий Элысе колым кучымо спорт дене федераций).
