Марий Элын министр- влак кабинетше у еҥым вашлийын
Марий Элын министр- влак кабинетше у еҥым вашлийын. Республикым вуйлатышын пашажым шуктышо Юрий Зайцев Правительстве председательын икымше алмаштышыжлан Евгений Кузьминым пеҥгыдемден. Тидын нерген теҥгече лукмо Указыште ойлалтеш. Тушто палемдыме: у пашашке тудо икымше июльышто ушна. Евгений Кузьмин министр- влак кабинетын мер-политик пашаже, мировой юстицийым вияҥдыме, кугыжаныш кӧргӧ политикым шыҥдарыме пашалан мутым кучаш тӱҥалеш. Тудо 2019-ше ий годсек Марий Эл Кугыжаныш Погынын депутатше, Кугыжаныш Погын вуйлатышын алмаштышыже, Васильев лӱмеш МарНИИЯЛИ-н директоржо лийын. Морко районысо Усурт ялыште шочын. 2000-ше ийыште Марий университетым тунем пытарен, 2003-шо ийыште МарГУ-н аспирантурыжым.
Йылмым, сылнымутым да историйым научно-шымлыше марий институтын директоржын пашажым жаплан шуктышылан Людмила Григорьевам палемдыме. Тудо директор должностьыш конкурсым эртарыме марте шанче тӧнежым вуйлаташ тӱҥалеш. Тымарте институым Евгений Кузьмин вуйлатен. Людмила Григорьева 2016-шо ий годсек тиде институтын директоржын алмашышыжлан пашам ыштен. Филологий шанче кандидат, доцент, 70 утла шанче да тунемме-методик пашан авторжо.
Марий Эл Кугыжаныш Погынын фотожо. МариМедиа.
Йылмым, сылнымутым да историйым научно-шымлыше марий институтын директоржын пашажым жаплан шуктышылан Людмила Григорьевам палемдыме. Тудо директор должностьыш конкурсым эртарыме марте шанче тӧнежым вуйлаташ тӱҥалеш. Тымарте институым Евгений Кузьмин вуйлатен. Людмила Григорьева 2016-шо ий годсек тиде институтын директоржын алмашышыжлан пашам ыштен. Филологий шанче кандидат, доцент, 70 утла шанче да тунемме-методик пашан авторжо.
Марий Эл Кугыжаныш Погынын фотожо. МариМедиа.
