Марий Элыште лӱштымӧ ушкал вуй ешаралтын
Марий Элыште лӱштымӧ ушкал вуй ешаралтын. Тенийсе икымше пелийыште ял озанлык предприятий- влак 128 тӱжем тонн сурт-кайык, 45 тӱжем тонн сӧсна, 6 тӱжем тонн тӱкан шолдыра вольык шылым, чылаже 179 тӱжем тонным ыштен налыныт. Тыгак 97 тӱжем тонн шӧрым, 234 миллион штук муным погымо. Сай велыш вашталтмаш шӧрым пуышо вольык озанлыкыштат палемдалтын. Лӱштымӧ ушкалын чотшо 2024-ше ийысе икымше июль деч 818 вуйлан ешаралтын да 20 тӱжемат 300 вуйыш шуын. Ик ушкаллан шотлымаште кокла лӱштыш 161 килограммлан кугемын да ныл тӱжемат 766 килограммыш шуын. Юрий Зайцев шке телеграм-кналаыштыже тенийсе план нерген каласкален: кодшо ийысе деч шӧрым 8 тӱжем тоннлан шукырак ыштен налаш кӱлеш- 187 тӱжем тонным. Тыше вольык вуйым ешарен да продуктивностьым кугемден шуман. Ик ушкаллан шотлымаште кокла лӱштышым 9 тӱжемат 500 килограммыш шуктыман. Тидыже кодшо ийысе деч 410 килограммлан шукырак. Тышке шуаш селекций паша да сай курго полшышаш улыт.
Фото: Сергей Смирнов.
Фото: Сергей Смирнов.
