Марий Элыште Мер полыш штаб пашам ышташ тӱҥалын
Марий Элыште Мер полыш штаб пашам ышташ тӱҥалын. Тудым почмо церемонийыште Республикым вуйлатыше Юрий Зайцев лийын. Тудо тиде штаб чолга еҥ, доброволец, волонтёр да коммерцийдыме организаций- влакым ушен шогышо вер лиеш манын палемден. Тӱҥ партийын рӱдӧ исполнительный комитетшым вуйлатыше, Кугыжаныш Думын депутатше Александр Сидякин каласен: мер полыш Штаб- влакым 76 регионышто ыштыме. Штабыш тӱрлӧ ийготан, профессиян еҥ- влак толыт. Тиде- полышым налме да шке йодышлам виктарыме сай ӱзгар. Лӱмжӧ гыч ме лӱмын «Единый Россий» шомакым кораҥдышна. Тышке партий дене кылым кучышо- влак гына огыл толын кертышт, Штаб эллан мер полышым пуышо лийшаш. Тыште чылаланат омсам почмо. Российысе шахматист, тӱнямбал гроссмейстер Сергей Карякин каласен: тудо Йошкар-Олаш чӱчкыдын толам манын да республикыште Штабым почмаште полышым пуымылан Республикым вуйлатыше Юрий Зайцевлан таум каласен. Площадкыште кече еда социал кӱлешан проект- влакым- семинар, курс, оҥай еҥ- влак дене вашлиймаш- влакым поддрежатлаш виктаралтше мероприятий- влакым эртараш палемдыме.
Фото: Марий Элым вуйлатышын администрацийжын увер дене пашам ыштыше пӧлкаже.
