Троллейбус транспорт 50 ий Йошкар-Оласе калыкым шупшыкта
1970 ийын 5-ше ноябрь Йошкар-Олалан шарнаш кодшо кече лийын. Тунам оласе улыжат ик маршрут дене Депо гыч ЖБиК завод марте икымше троллейбус- влак кокшташ тӱҥалыныт. Тиде жап гыч троллейбус мемнан илышыштына шкенжын пеҥгыде да ӱшанле вержым налын. Троллейбус транспорт виктемым 15-ше октябрьыште почмо. Тунам ныл меҥге контакт сетьым пашаш колтымо, 50 машиналан троллейбус депом ыштыме да изирак административный зданийым чоҥымо. Энгельс ола гыч 10 троллейбусым кондымо да 5-ше ноябрьыште нуно маршрут дене кошташ тӱҥалыныт. Икымше идалык мучко нуно вич миллион пассажирым шупшыктеныт.
1970-шо ийла мучашлан ола ятырлан кушкын, калык шукемын. Троллейбус ситен огыл. Кызыт балансыште 146 троллейбус шотлалтеш, кокытшо туныкташ кучылталтеш, вияҥше производственно- технический базе уло. Движений служба предприятийыште ик эн кугулан шотлалтеш. Тушко диспетчер служба, водитель да кондуктор- влак пурат.
1970-шо ийла мучашлан ола ятырлан кушкын, калык шукемын. Троллейбус ситен огыл. Кызыт балансыште 146 троллейбус шотлалтеш, кокытшо туныкташ кучылталтеш, вияҥше производственно- технический базе уло. Движений служба предприятийыште ик эн кугулан шотлалтеш. Тушко диспетчер служба, водитель да кондуктор- влак пурат.
