Федерал да республикысе промышленностьым вияҥдыме фонд- влак коклаште ойпидышым кылдыме
Кодшо кечылаште Промышленностьым вияҥдыме фонд ден Республикысе промышленностьым вияҥдыме фонд проект- влаклан оксам ойырымо годым вашкыл шотышто соглашенийым пеҥгыдемденыт. Документеш кидпалыштым Республикысе ФРП-н директоржо Владислав Николаев дене ФРП директорын алмаштышыже Анна Бинёва шынденыт. Федерал фонд дене ойпидыш республикысе фондлан проект- влаклан 1, 3 да 5 процент дене оксам пырля ойыраш йӧным пуа. Промышленный предприятий- влак проектым шыҥдараш 500 миллион теҥге марте вич ийлан заёмым налын кертыт. Тидын годым федерал фондын оксаже 90 процент лиеш, а республикысе фонд 10 процентым ойыра. У, кӱкшӧ технологиян продукцийым ямдылаш, техникым уэмдаш, таҥасен кертше производствым ышташлан фонд льготан условий- влакым темлаш тӱналеш.
