Марий Элысе кучем кок корным олмыкташ 200 миллион наре теҥгем ойырен
Марий Элысе кучем кок корным олмыкташ 200 миллион наре теҥгем ойырен. Тыгай тендерым кугыжаныш закупко сайтыште вераҥдыме. Оксам республикын бюджетше гыч пуымо. Тендер дене келшышын, 111 миллион утла теҥгем «Шӱргыял- Кугу Ашламаш- Кудышӱмбал» корнын ныл меҥгат пеле кужыт ужашыжым олмыкташ колтымо. Тушто чыла пашам 31-ше август марте ыштен шуктыман. Олмыктымо кышкарыште подрядчик корно шартышым да корно тӱрым, вӱд пуч- влакым, транспорт чарналтышым тӧрла, чарак саварым, разметкым вераҥда. Тиддеч посна 84 миллион утла теҥгем «Нуж-Ключ- Пертылга- Тосмет сола» корнын ныл меҥге ужашыжым олмыкташ ойырымо. Туштат тыгаяк пашам шуктыман. Чыла пашам 30-шо сентябрь марте шуктышаш улыт.
Фото: vk.com/bkadmariyel
Фото: vk.com/bkadmariyel
