Лариса Яковлева паша дене шке сайлыме округышкыжо мийыме годым икмыняр социал задачым шуктен
Марий Эл Кугыжаныш Погыным вуйлатышын икымше алмаштышыже Лариса Яковлева паша дене шке сайлыме округышкыжо- Волжский районыш мийымыже годым икмыняр социал задачым шуктен. Ик кӱлешан событийже- Пӧртанур ялыште илыше Екатерина Алексеевна Королёвам 100 ийым темыме дене саламлымаш лийын. Пӧлек ден пеледышым кучыктен. Тылыште тыршыше еҥ Владмир ола лишне окопым кӱнчен, сар деч вара вич йочам ончен-куштен, героиня-ава лийын. 75 ияш марте пашам ыштен. Кызыт 9 уныкаже, 8 кугезе уныкаже да нунын ик шочшышт уло. Кызытат кушталтенат колта, пакчаштат пашам ышта.
Лариса Яковлева тыгак СВО-н участникше- влаклан маскироватлыше сетьым пидше чолга еҥ- влак дене вашлийын, шке тӱҥалтышыже почеш кӱлеш материалым налаш окса полышым ыштен
Кугыжаныш Погыным вуйлатышын икымше алмаштышыже тыгак Приволжский посёлкышто «Йомак» лӱман йоча садыш миен. Тиде тӧнежлан 50 ий темын. Тиде садик йоча- влакым шӱм-чон арулык да шочмо элым йӧратыме шӱлашеш шуараш театрализованный паша проект почеш регионысо пилотный инноваций площадке улеш. Парламентарий туныктышо- влак дене мутланен да пашаштлан ӱшанле улмыштлан тауштен.
Депутатын районыш мийымыже Приволжский тӱвыра пӧртыштӧ у кинозалым почаш ямдылалтмашым ончымаш дене мучашлалтын. Тиде жаплан тушто тӱҥ олмыктымо паша- влак мучашлалтыныт, оборудованийым налме. Кинозалым лишыл жапыште почшаш улыт.
Фото: Екатерина Серебрякова, Марий Эл Кугыжаныш Погынын увер виктемжым вуйлатыше.
Лариса Яковлева тыгак СВО-н участникше- влаклан маскироватлыше сетьым пидше чолга еҥ- влак дене вашлийын, шке тӱҥалтышыже почеш кӱлеш материалым налаш окса полышым ыштен
Кугыжаныш Погыным вуйлатышын икымше алмаштышыже тыгак Приволжский посёлкышто «Йомак» лӱман йоча садыш миен. Тиде тӧнежлан 50 ий темын. Тиде садик йоча- влакым шӱм-чон арулык да шочмо элым йӧратыме шӱлашеш шуараш театрализованный паша проект почеш регионысо пилотный инноваций площадке улеш. Парламентарий туныктышо- влак дене мутланен да пашаштлан ӱшанле улмыштлан тауштен.
Депутатын районыш мийымыже Приволжский тӱвыра пӧртыштӧ у кинозалым почаш ямдылалтмашым ончымаш дене мучашлалтын. Тиде жаплан тушто тӱҥ олмыктымо паша- влак мучашлалтыныт, оборудованийым налме. Кинозалым лишыл жапыште почшаш улыт.
Фото: Екатерина Серебрякова, Марий Эл Кугыжаныш Погынын увер виктемжым вуйлатыше.
