Марий Элыште 68 книга памятникым цифран форматыш кусарыме
Марий Элыште 68 книга памятникым цифран форматыш кусарыме. Чавайн лӱмеш калыкле книгагудын пашаеҥже- влак «Тӱвыра» калыкле проект кышкарыште 2019-ше гыч 2024-ше ий марте 68 шергакан книгам цифран форматыш кусареныт. Нунын коклаште кид дене возымо книга, историй хронике, 18-ше- 19-ше курымышто лукмо савыктыш улыт. Лудшо- влак «Император Карл Пятыйын вуйлатымыже нерген историй», «Российысе муро у книга», «Черемис- влакын юмын йӱлашт», «Марийын историйже», «Курык наречийын маро-руш мутерже» да молымат лудын кертыт. Эртыше ийын цифран форматыш марий йылме дене савыктыме икымше периодике савыктыш- 1907-ше-1913-шо ийласе «Марла календарьым» кусарыме. Кызыт Чавайн лӱмеш калыкле книгагудын фондшо гыч книга памятник Реестрыш 295 книгам пуртымо. Тӱҥ шотышто тиде краеведений савыктыш, икымше грамматике ден букварь- влак, марий йылмыш кусарыме икымше библий текст- влак, мариведений дене библиографий пособий- влак улыт.
Фото: Тӱвыра министерстве.
