Республикыште Крешене йӱдым южын температурыжо 2 гыч 7 градус марте йӱштӧ лийшаш

Республикыште Крешене йӱдым южын температурыжо 2 гыч 7 градус марте йӱштӧ лийшаш
                Республикыште Крешене йӱдым южын температурыжо 2 гыч 7 градус марте йӱштӧ лийшаш. Атлантике циклон- влак Скандинавий гоч Российын Европа вел ужашыжын йӱдвел могыржо дене каят. Марий гидрометеорӱдерын пӧлкажым вуйлатыше Марина Андрееван мутшо почеш, йырюжын темдыме куатше изи лиеш, арня мучко республикыште ночко лум лийшаш, лишыл жапыште поран ӱштеш, кечывалвел- касвел мардеж 14 метр марте писылык дене пуа. Изарнян кечывалым йырюжын темдыме куатше кушкаш тӱҥалеш да лум чарна. Арня мучко южын температурыжо вашталт шога. Изарня гыч кугарняш йӱдым 9 гыч 12 градус марте йӱштӧ лийшаш. А кугарнян кечывалым адак леве юж толеш да 2 гыч 7 градус  марте йӱштӧ лиеш. Ончылгоч шотлымо почеш Крешене йӱдым 2 гыч 7  градус марте йӱштӧ лийшаш, лум лумеш. Кечывалым ноль градус лишне лиеш, ночко лум йога, изиш поран ӱштеш. Мардеж касвелым, йӱдвел- касвелым 4 гыч 9 метр марте писылык дене пуа. Йырюжын темдыме куатше нормо деч изи, 740-750 миллиметр лийшаш. Архивым ончалаш гын Крешеньылан эн йӱштӧ 1942-шо ийыште лийын- 39.8 градус йӱштӧ, кодшо ийын 18 градус, 2021-ше ийыште 30 градус наре лийын.
           Фото: Марий Элысе МЧС виктем (архив).

Прошлые выпуски