Марий Элыште Талешке кечылан пӧлеклалтше мероприятий- влакым эртарат

Марий Элыште Талешке кечылан пӧлеклалтше мероприятий- влакым эртарат
             Марий Элыште Талешке кечылан пӧлеклалтше мероприятий- влакым эртарат. Шымлыме паша- влакын «Ший талешке» республикысе конференцийышт 21-ше апрельыште «Ачамландын Геройжо- влак» тоштер да патриотизм рӱдерыште лиеш. Конференций кышкарыштак «Салтак кидсолык» акций эрта. Участник- влак воин нерген уверым ончыктыман тыгай кидсолык- влакым ямдылышаш улыт. Ямде радына- влакым ик тичмаш паннош ушат да Евсеев лӱмеш калыкле тоштерыш пуат.
             Шкетан лӱмеш калыкле драма театр 25-ше-26-шо апрельыште драматург Геннадий Гордеевын пьесыже почеш «Палантай» спектакль-концертым ончыкта. Тудо марий профессионал семлан негызым пыштыше композитор Иван Ключников-Палантайын илышыже ден усталыкшылан пӧлеклалтеш.
             Автор муро да поэзийын «Ме щарнена» регион- влак кокласе 9-ше фестиваль 9-ше майын рӱдӧ каныме да тӱвыра паркын виш эстрадыштыже лиеш.
             Марий талешке кече идалык еда 26-шо апрельыште палемдалтеш. Тудо 16-шо курымышто илыше да шочмо кундемже верч вуйым пыштыше Полтыш князын трагически ӱмыр лугыч лийме кечыже дене кылдалтын. Талешке кечым икымше гана 1917-ше ийыште эртарыме.

Прошлые выпуски