Марий Элыште тулеш пӧртым йомдарыше- влак ик гана 100 тӱжем теҥге полышым налын кертыт

Марий Элыште тулеш пӧртым йомдарыше- влак ик гана 100 тӱжем теҥге полышым налын кертыт
          Марий Элыште тулеш пӧртым йомдарыше- влак ик гана 100 тӱжем теҥге полышым налын кертыт. «Илыме верыште пожар лиймылан кӧра погым йомдарымылан але йӧрыдымыш савырнымыжлан ик гана оксам тӱлымӧ нерген» Пунчалым кодшо арня мучашыште Республикысе Правительствым вуйлатыше Юрий Зайцев пеҥгыдемден. Тиде оксам пуымо радамым палемдыме. Пунчал дене кылдалтше чыла йодышым паша да социал аралтыш министерстве гоч виктаралтеш. Окса полыш 100 тӱжем теҥге лиеш. Йодмаш ден документ пакетым пожар лиймеке 6 тылзе эртымешке пуыман. Йодмашым регистрироватлыме деч вара лу паша кечыште оксам пуымо але уке нерген решений лукталтеш. Пунчал 2024-шо ий икымше январь гыч вийым налеш.
         Фото: Россий МЧС-ын Марий Элысе тӱҥ виктемже. 

Прошлые выпуски