Марий Элыште утларак ямде улмо режим пурталтеш
Марий Элыште утларак ямде улмо режим пурталтеш. Тидын нерген Указым Марий Элым вуйлатыше теҥгече пеҥгыдемден. Документыште ойлалтеш: утларак ямде улмо режим 27-ше декабрь гыч пурталтеш. Чыла виктем орган ден вучыдымо ситуацийым кораҥдыме шотышто службыш пурышо вий «Утларак ямде улмаш» режимыш кусаралтеш. Указ вийыште улмо жапыште дежурный смене- влакын составышт ешаралтеш да социал кӱлешан объектлаште, илышлан кӱлешан объектлаште обстановкым тергымаш вияҥдалтеш. Пилотдымо чоҥештылше аппаратым кучылтын керылтме лӱдыкшӧ улмо годым юж кумдыкым чарныде эскерымашым ыштыман, лӱдыкшӧ лийын кертме нерген уверым ЧС-ым кораҥдыме да шижтарыме кугыжаныш единый системыш да виктем органлашке колтен шогыман. Чынак лӱдыкшӧ лекме годым граждан оборона да калыкым аралыме комитет калыклан СМС- уверым колтышаш. Указым шуктымым терген шогаш Правительстве вуйлатышын алмаштышыже Степан Воронцовлан кӱштымӧ.
Фото: скрин.
Фото: скрин.
