Йошкар-Ола ден Озаҥ коклаште марла сӧрастарыман поезд кошташ тӱҥалын

             Йошкар-Ола ден Озаҥ коклаште марла сӧрастарыман поезд кошташ тӱҥалын. Рушарнян кастене 24-ше декабрьыште Йошкар-Олаш марий тӱс дене оформитлыман икымше «Озаҥ- Йошкар-Ола» вагон толын. Брендан вагон кӧргыштӧ республикын оҥай да ойыртемалтше верже- влак нерген, калыкле сий да семӱзгар, тӱҥ тӱвыра событий- влак нерген уверым вераҥдыме. Еҥ- влак, мутлан, Шереметев замок, Козьмодемьянскысе тоштер комплекс да Чарла кремль нерген уверым нален налын кертыт. Марий тӱвыран ик символжо- кӱсле нерген лудыт, мо тыгай ӱяча ден подкогыльым палаш тӱналыт. Тидымат ешарыман: оласе южо еҥ- влак кӱртньӧ корно вокзал деке лӱмын ойыртемалтше вагоным ончаш толыныт. Тыгай стиль дене пижыктыман кок вагоным гына сӧрастарыме. Нуно калыкым Йошкар-Ола ден Озаҥ коклаште гына огыл шупшыктат, Юл кундем округысо вес корнылашкат пижыктат. Тыге Марий Эл нерген моло регионыштат пален налыт. Юл кунлем округышто кызыт тыгай вагон- влак мемнан ден Угарманын гына улыт. Калык кузе вашлиймыжым ончалына да вӱд транспортыштат тыгайымак ышташ шонена,- каласен спорт-туризм министр Лидия Батюкова.
         Фото: Инна Ямщикова\ Марийская правда.

Прошлые выпуски