Марий Элым вуйлатыше Кокшайск селаште у врач амбулаторийым почын

Марий Элым вуйлатыше Кокшайск селаште у врач амбулаторийым почын
               Таче Марий Элым вуйлатыше Кокшайск селаште у врач амбулаторийым почын. Амбулаторий Кокшайск селасе, Таир посёлкысо, Шемшӱргӧ, Ялпай, Семёновка ялысе да Шуйка посёлкысо калыклам чылаже тӱжемат пеле еҥым обслуживатлаш тӱҥалеш. У ий вашеш верысе калыклан кугу пӧлекым ыштеныт. Республикым вуйлатыше терапевтын, стоматологийын у кабинетыштым, аптеке пунктым ончен лектын. Тыгак педиатрын, гинеколгын, физиотерапийын, прививкын да процедурын кабинетышт, моло полшышо пӧлем- влак улыт. Кодшо ийын Лада Ларгус автомобильым пуымо, аптеке пунктым почаш кӱлеш оборудованийым налме. Тудо у ий гыч эмым ужалаш тӱҥалеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски