Йошкар-Олаште Афган сар гыч пӧртылдымӧ боец- влакым шарналтеныт

Йошкар-Олаште Афган сар гыч пӧртылдымӧ боец- влакым шарналтеныт
            Йошкар-Олаште Афган сар гыч пӧртылдымӧ боец- влакым шарналтеныт. Афганистан сарыште лийше ветеран- влаклан 25-ше декабрь шарнымашан дате. Тиде кечын 1979-ше ийыште совет войскан ограниченный контингентшым Афганистан кундемыш пурташ тӱҥалме. Сарыште мемнан республике гычат салтак- влак кредалыныт. Йошкар-Олаште Афганистаныш совет войскам пуртымылан 44 ий темме лӱмеш вуйым пыштыше воин- влакым шарныме мероприятий эртен. Нуным ик тат шып шоген шарналтеныт да воин-интернационалист- влаклан мемориал воктеке пеледыш аршашым пыштеныт. Церемонийыште Ола мэрын алмаштышыже Антон Пугачёв, «Боевое братство» ветеран организацийым вуйлатыше Владимир Белоусов, «Ачамландым аралыше- влак» регионысо пӧлкам вуйлатыше Ренат Магсумов, сар действийлан ветеранышт да оласе калык лийыныт.
          Фото: Йошкар-Ола администраций.

Прошлые выпуски