Марий Элыште янлык- влаклан «ӱдымӧ кампаний» мучашлалтын
Марий Элыште животный- влаклан «ӱдымӧ кампаний» мучашлалтын. Республикысе янлык тӱня департаментыште ир янлык- влакым пукшен шогымо шотышто ыштыме мероприятийым иктешленыт. Идалык еда чодырасе чара верлаште янлык- влакым пукшаш изи пасу- влакым ӱдат. Тиде паша биотехник мероприятий комплексыш пура. Тӱҥ шотышто пурсам, шӱльым, шыдаҥым ӱдат. Нине пасу маскалан, пӱчылан, ир сӧсналан, нергылан, енот шотан пийлан, сузылан, кӱдырлан, музылан кочкаш келыштаралтыт. Паша чыла районыштат шукталтеш. Чылаже сонар кумдыклаште 140 утла гектар мланде шотлалтеш. Шинчалым йӧратыше шордо, мераҥ, моло янлыклан шинчалым оптымо верым ямдылат. Сузо ден кӱдырлан шаргӱм да ошмаште йӱштылмо верым ыштат. Пасу кайыклан пукшымо площадкым да йӱштылаш ошмам йӧнештарат.
Фото: Янлык тӱня департамент.
Фото: Янлык тӱня департамент.
