Йошкар-Олаште финно-угровед- влакын шанче конференцийышт 300 утла экспертым ушен

Йошкар-Олаште финно-угровед- влакын шанче конференцийышт 300 утла экспертым ушен
                 Йошкар-Олаште финно-угровед- влакын шанче конференцийышт 300 утла экспертым ушен. Мемнан дене финно-угровед- влакын «Кызытсе финно-угроведений: шанче-общество- тӱвыра» Россий кӱкшытан 7-ше шанче конференций эрта. Тудо Россий науко академийлан 300 ий теммылан пӧлеклалтын. Конференций Российысе 19 регион гыч эксперт дене финно-угроведений аланыште шымлыше- влакым чумырен. Конференцийым почмаште Марий Элым вуйлатыше Юрий Зайцев ойлен. Тудо шӱдӧ ий дене финн-угор калык- влак моло калык дене пырля элнам вияҥдымашке кугу надырым пыштат. Илышын тӱрлӧ сферыштыже нунын сеҥымашышт поян историй, шанче, тӱвыра, шӱм-чон поянлыкын ойыраш лийдыме ужашыже улеш,- каласен тудо. Регионым вуйлатыше конференцийын участникше- влаклан оҥай каҥашымашым, пайдале вашкылым тыланен да награде- влакым кучыктен.
             «Марий Эл ончылно надырлан» орденын медальжым МарНИИЯЛИ-н кугурак шанче пашаеҥже Серафима Сибатровалан кучыктымо. «Марий Элысе туныктыш ден шанчын сулло пашаеҥже» чап лӱмым Марий университетын «Марий йылме» йылме технологий рӱдержын «Марий школ» лабораторийжым вуйлатыше Виталий Михайловлан пуымо. Правительствын чап грамотыжым Марий университетын тӱвыра да сымыктыш кафедрыжым вуйлатыше Галина Кадыкова, Марий йылме да литература кафедрыжын доцентше Валерий Максимов, МарНИИЯЛИ- н  шымлыше лабораторийжын шанче пашаеҥже Андрей Чемышевлан кучыктымо. Тыгак ныл еҥлан  Марий Элым вуйлатышын тауштымашыжым увертарыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски