Марий Элым вуйлатыше виш кава йымалне ончыктымо «Акпатыр» оперыш миен
Марий Элым вуйлатыше виш кава йымалне ончыктымо «Акпатыр» оперыш миен. Килемар районысо «Раздолье» турист комплексыште «Кугезе мланде» регион- влак кокласе кӱкшытан фольклор да этнографий пайрем эртен. Тудым Эрик Сапаев лӱмеш опера да балет тетарын ончыктымо «Акпатыр» икымше марий опера мучашлен. Пайремыште Марий Элым вуйлатыше Юрий Зайцев уна лийын. Опера деч ончыч тудо фестивальын кид пашам мастарлык кудо- влакым ончен лектын. Вара оперын артистше- влакын выступленийыштым кӱкшын аклен, пайрем калыкын йӱлажым аралыше да вес тукымлан пуышо еҥ- влакым чумырен манын. Пайремыште республикысе калык, Угарман, Киров областьла, Чуваш да Татар республикыла гыч уна- влак лийыныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
