Марий Кугыжаныш университетыште тенийсе тунемаш налме кампаний тӱҥалын

Марий Кугыжаныш университетыште тенийсе тунемаш налме кампаний тӱҥалын
            Марий Кугыжаныш университетыште тенийсе тунемаш налме кампаний тӱҥалын. Опорный вузыш документым пуышо абитуриент радамыш шукерте огыл Россий Президентын Указше дене воин порысым шуктымо годым патырлык ден героизмым ончыктымлан Россий Федерацийын Геройжо лӱмым пуымо Анатолий Иванов шогалын.  Тудо Куженер районысо Шорсолаште шочын. Кызыт Новороссийскысе десантно-штурмовой полкын протвотанковый взводыштыжо служитла. Срочный службо деч вара армийыштак кодын, Чечня, Абхазий, Сирийысе шокшо точкылам эртен да лӱмын эртарыме сар операцийыш ушнен. Умбакыже вияҥашлан кӱшыл шинчымашым налме шуын. Сандене шочмо Марий Кугыжаныш университетым ойырен налынам, психолого-педагогик шинчымашым налаш шонем,- каласен тудо. Шинчымаш военный карьерыштат, еш илышыштат пайдале лиеш, манын тудо. МарГУ-н ректоржо Михаил Швецов мемнан университетым ойырен налмыжлан тауштен да сеҥымашым тыланен.
           Фото: МедиаПоток.

Прошлые выпуски