Республикыштына тазалыкым аралаш да пеҥгыдемдаш чыла йӧным ыштыме

Республикыштына тазалыкым аралаш да пеҥгыдемдаш чыла йӧным ыштыме
                Республикыштына тазалыкым аралаш да пеҥгыдемдаш чыла йӧным ыштыме. Тазалыкаралтыш министерстве республикым вуйлатыше Юрий Зайцевын поддержатлымыже почеш «Таза Республике» проектын кумшо йыжыҥжым тӱналын. Тений икымше июнь гыч рӱдӧ оласе шуко пачеран пӧрт кудывечылаште мобильный «Тазалык пункт- влак» пашам ыштат. Калык тушто тазалыкым экспресс-шымлымашке ушнен кертеш: вӱрыштӧ глюкозым да холестериным, артерий  да шинча кӧргӧ давленийым, вӱрын кислород дене пойдаралтмыжым, кап-кыл нелытым висен, ЭКГ-м ыштен кертеш. Марий Элым вуйлатыше Юрий Зайцев Петров уремысе пӧрт кудывечыште верланыше «Тазалык пунктым» ончен лектын, врач- влакын пашам ыштыме йӧныштым эскерен, еҥ- влак дене мутланен, йодышытлан вашештен. Регионым вуйлатыше тыгак икымше номеран Медико-санитар частьыш миен. Тушко рентген шымлымашым эртараш кызытсе жаплан келшыше оборудованийым кондымо. Пытартыш кум ийыште тиде поликлиникым тӱрысынек цифран рентген аппарат дене пойдарыме: мультиспиральный компьютер томографым, флюорографым, кум паша верлан стационар рентген аппаатым налме. Тиддеч посна рентген оборудованийым рӱдӧ оласе нылымше поликлиникыш, Медведево да Шернур районласе рӱдӧ эмлыме верлашке кондымо. Республикым вуйлатышылан тыгак сакыр диабетан пациент- влаклан кодшо ийын почмо школым ончыктеныт. Тушто 292 еҥ тунем лектын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски