Марий Элым вуйлатыше «Качестван лӱдыкшыдымӧ корно» калыкле проект кышкарыште шуктымо корно пашам терген лектын
Марий Элым вуйлатыше «Качестван лӱдыкшыдымӧ корно» калыкле проект кышкарыште шуктымо корно пашам терген лектын. Тудо Йошкар-Оласе Петров уремысе пашам ончен. Олмыктымо корнын кужытшо ик меҥге, пашан акше 40 миллионат 500 тӱжем теҥге. Пашам кызытеш 70 процентлан шуктымо. Глава пашан качествыжлан да жапыштыже шуктымылан тӱткышым ойыраш кӱлеш манын. Вуйлатыше тыгак «Город» МУП предприятийыш миен, тудын пашаже дене палыме лийын, у коммунал техникым ончен. Тений предприятийын кӱлешлыкшылан 80 миллион теҥгеаш 8 единице техникым налме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
