«Марий Элыште ыштыме» бренд дене чолганрак пашам ыштыман,- каласен Юрий Зайцев

           «Марий Элыште ыштыме» бренд дене чолганрак пашам ыштыман,- каласен Юрий Зайцев. Брендлан утларак полышым пуымо шотышто темлымашым Юрий Зайцевлан «Шернур сырзавод» акционер ушемын директоржо Сергей Черных темлен. Тудо палемден: аграрий- влак чапле качестван продукцийым ыштен луктыт, но нунылан ужалаш нелырак. Ужалкалыше сеть- влак изи предприятий- влакын сатушт дене пашам ышташ пеш кумылан огытыл, сандене кугу вийым кучылташ кӱлеш. А южо регион-влак шке брендыштым ыштеныт. Тыгайже мемнанат уло- «Марий Элыште ыштыме». Но тудым чот палыме лийшым ыштен шуктымо огыл. Республикысе переработчик- влаклан сырьём ситарыше- влакат брендын ужашысе семын кугешнаш тӱҥалыт,- манын Сергей Черных. Марий Элым вуйлатышын пашажым шуктышо тӱҥалтышым поддержатлен. Тиде процедурым правительстве кӱкшытыш шындаш да посна еҥым палемдаш лиеш,- каласен Юрий Зайцев. Ардысе ял потребушемым вуйлатыше Александр Павлов ял озанлык кооператицй нерген законым уэш ончен лекташ темлен. Куженер район администрацийын ял озанлык пӧлкажым вуйлатыше Владимир Семеев федерал погышто улшо пайдаланыдыме мландым ял озанлык оборотыш налаш темлен. Тиде йодышымат ончымо лиеш, - каласен Юрий Зайцев.
             Фото: Марий Элым вуйлатышын организаций да аналитик виктемже.

Прошлые выпуски