Руш Кукмор ялысе тӱвыра рӱдерлан оборудованийым налаш оксам ойыраш кӱштымӧ
Марий Элым вуйлатышын пашажым шуктышо Юрий Зайцев Руш Кукмор ялысе тӱвыра рӱдерлан оборудованийым налаш оксам ойыраш кӱштымашым пуэн. Кызыт тудым капитально олмыктымо паша мучашлалтеш. Пашан акше 18 миллион утла теҥге лийын. Тӱвыра министрын мутшо почеш, пашам октябрь марте мучашлаш палемдыме. Уже 16-шо октябрьыште тӱвыра пӧртын сценыштыже «Йӱксӧ ер» балетым ончыкташ шонат. Медведево районыш мийыме кышкарыште республикым вуйлатышын пашажым шуктышо Юрий Зайцев пашан кузе кайымыжым аклаш пурен. Ик йодыш гына- мебель шотышто кодеш,- каласен тӱвыра министр. Чыла тыгай чапле да мотор лийын, мебельжат келшыше лиеш гын, сай ыле манын тудо. Юрий Зайцев мебельлан оксам ойырымо лиеш манын каласен. Вес ийлан тушто актовый залым олмыкташ палемдыме. Тушто кинотеатрым ыштат. Тиде пашалан вич миллион теҥге федерал оксам колтымо лиеш. Актовый зал уэмдалтеш да у технике дене пойдаралтеш.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
