Кӱкшӧ квалификациян кадр- влакым ямдылымаште Марий университетын кугу куатше улмым палемдыме

             Юрий Зайцев кӱкшӧ квалификациян кадр- влакым ямдылымаште Марий университетын кугу куатше улмым палемден. Тудо Шинчымаш кече да у тунемме ий тӱҥалме дене Марий университетын студентше- влакым саламлаш миен. Тудо палемден: шуко уровенян профессионал ямдылыме системан вуз опорныйлан шотлалтеш. Кызыт тушто 100 утла специальность дене 9 тӱжемат 500 студентым туныктат. Тыште тунемшыла, тендан сай профессионал лияш чыла йӧнда уло. Тенийсе идалык лӱмгече ий - вузлан 50 ий темеш. Лач тыланда тиде жапыште тунемаш пиал логалын. Мом пуат- чыла налза- шинчымашым, моштымашым. Университетыште пуымо специальностьым ойырен налында гын, тидым те шонен ыштенда. Тыгеже те чын патриот, специалист, профессионал лийыда, уло шӱм-чонда дене Российлан, шочмо Марий Эллан служитлаш тӱҥалыда, - каласен Юрий Зайцев.
                Константин Косачёв ешарен: моло кундемла гыч толшо- влакланат пешак пиал шыргыжалын. Молан манаш гын, Марий университет сай шинчымашым пуымыжо да кӱкшӧ квалификациян педагогшо- влак дене чаплана. Ректор Михаил Швецов тидым каласен: тений икымше курсыш тунемаш налмаш рекордым ончыкта- кок тӱжемат 100 бюджет вер, 900 наре бюджетдыме вер. Торжественный  студент линейкыш толмылан да саламлымылан Марий Элым вуйлатышын пашажым шуктышо Юрий Зайцевлан тауштен.
             Фото: Марий Элым вуйлатышын организаций да аналитик виктемже.

Прошлые выпуски