Зоя Дудиналан «Марий Элын калык писательже» чап лӱмым пуымо
Зоя Дудиналан «Марий Элын калык писательже» чап лӱмым пуымо. Тидын шотышто Указым Марий Элым вуйлатышын пашажым шуктышо Юрий Зайцев пеҥгыдемден. Тыге тудын марий калыкле сылнымутым вияҥдымашке да шарен колтымашке пыштыме кугу надыржым палемдыме. Зоя Дудина (Глушкова) Шернур велысе Купсола ялыште шочын, Марий университетым тунем лектын, Марий книга савыктышыште, «Марий Эл» газетыште пашам ыштен. Икымше почеламутшым 1976-шо ийыштак савыктен, а икымше сборникше 1998-ше ийыште савыкталт лектын. Тудын почеламутшо- влакым руш, финн, эстон, венгр, лив йылмылашке куарыме. Шкежат сылнымут произведений, тунемме пособий-влакым кусарымаште тырша.
Фото: «Марийская правда».
Фото: «Марийская правда».
