Экологий акцийыш шӱдӧ наре еҥ лектын

          Йошкар-Ола воктелсе Пӱнчерым эрыктымашке да «Интеграл» микрорайонышто пушеҥгым шындымашке шӱдӧ наре ура чонан еҥ лектын. Шуматкечын оласе калык да «Бауман» лицейын кудымшо классыштыже тунемше- влак поро пашашке ушненыт, - увертара мэрийын пресс-службыжо. «Пӱнчерым тӱзландарымаш» проект кышкарыште тиде кумшо субботник лийын. Тудым ямдылыше- влак радамыште тыгак «Город» МУП ден ола администрацийын экологий да пӱртӱс дене пайдаланыме комитетше лийыныт.
             Кокымшо экологий акцийже «Интеграл» микрорайнышто лийын. Сад ден Шумелёв уремлаште писте ден ломбым шындыме. 80 утла самырык пушеҥге микрорайонышто кушкаш тӱҥалеш да ужар авыртыш лиеш. Тиддеч ончыч «Город» МУП-ын пашаеҥже- влак шындышаш верым да самырык кушкылым ямдыленыт. Пушеҥгым шындымаште 30 еҥ тыршен.
             Фото: Йошкар-Ола мэрийын пресс-службыжо.

Прошлые выпуски