Медведево районышто кокымшо роботизированный ферме почылтеш
Медведево районышто кокымшо роботизированный ферме почылтеш. Руш Кукмор ялыште октябрьыште «Семёновский» племзаводын роботизироватлыме шӧр фермыжым почаш палемдыме. Тудын куатшым Марий Элым вуйлатышын пашажым шуктышо Юрий Зайцев ончен лектын. Племзаводын генеральный директоржо Александр Козырев увертарен: инвестиций проектын кумшо черетше кышкарыште 420 вуй лӱштымӧ ушкаллан у фермым, 180 верлан презе вӱтам, кок силос траншейым чоҥымо паша мучашыш лишемеш. Фермым ышташлан 236 миллион теҥгем кучылтмо. Чыла пашам шотыш налын акше 350 миллион теҥгеш шуэш.
Проект почеш палемдыме куатыш лекмеке, лӱштышаш ушкал 400 вуйлан ешаралтеш да ныл тӱжемат 300-ыш шуэш. Шӧр лӱштыш 15 тоннлан шукемеш, паша вер- влак шочыт. Генеральный директор роботизированный фермыште ушкалым кузе лӱшытмӧ нерген увертарен. Ушкал мыняр шона мала, кочкеш, йӱэш. Чыла тидым вольыклан пижыктыме датчик гоч компьютер эскера. Компьютер ушкаллан кунам лӱшташ кайышаш нерген шижтара да тудо робот деке лишемеш. Айдеме семынак йогыракшым шӱкалаш кӱлеш. Лӱштымӧ деч вара ушкаллан комбикорма пуалтеш. Республикыштына тиде кокымшо роботизироватлыме ферме. Икымшыжым кок ий ончыч тыштак почмо.
Александр Козырев тидымат ешарен: предприятий шӧрым налме дене ончыл радамыште кая. Кызыт эше Азаново селаште 25 миллион теҥгелан презым ыштыме пӧлка да кормоцех чоҥалтеш. Шернур районысо Кугенер ялыште кок презе вӱта ден кормоцехым ыштат, акше 42 миллион теҥге. Йошкар-Олаште кумыс фермыште кок имне вӱта пужен ышталтеш, а Михайловка селаште ик презе вӱтам чоҥат, весыжым пужен ыштат.
Фото: Марий Элым вуйлатышын организаций да аналитик виктемже.
Проект почеш палемдыме куатыш лекмеке, лӱштышаш ушкал 400 вуйлан ешаралтеш да ныл тӱжемат 300-ыш шуэш. Шӧр лӱштыш 15 тоннлан шукемеш, паша вер- влак шочыт. Генеральный директор роботизированный фермыште ушкалым кузе лӱшытмӧ нерген увертарен. Ушкал мыняр шона мала, кочкеш, йӱэш. Чыла тидым вольыклан пижыктыме датчик гоч компьютер эскера. Компьютер ушкаллан кунам лӱшташ кайышаш нерген шижтара да тудо робот деке лишемеш. Айдеме семынак йогыракшым шӱкалаш кӱлеш. Лӱштымӧ деч вара ушкаллан комбикорма пуалтеш. Республикыштына тиде кокымшо роботизироватлыме ферме. Икымшыжым кок ий ончыч тыштак почмо.
Александр Козырев тидымат ешарен: предприятий шӧрым налме дене ончыл радамыште кая. Кызыт эше Азаново селаште 25 миллион теҥгелан презым ыштыме пӧлка да кормоцех чоҥалтеш. Шернур районысо Кугенер ялыште кок презе вӱта ден кормоцехым ыштат, акше 42 миллион теҥге. Йошкар-Олаште кумыс фермыште кок имне вӱта пужен ышталтеш, а Михайловка селаште ик презе вӱтам чоҥат, весыжым пужен ыштат.
Фото: Марий Элым вуйлатышын организаций да аналитик виктемже.
