Правам аралыше- влак Пӧтъял школышто тунемше- влак дене профилактике мутланымашым эртареныт
Правам аралыше- влак Пӧтъял школышто тунемше- влак дене профилактике мутланымашым эртареныт. Волжск оласе следствий пӧлкан кугурак следовательже Сергей Серяков районысо прокуратурын представительже дене пырля Пӧтъял школышто 8-ше-11-ше класслаште тунемше- влак дене вашлиймашым эртареныт. Тудын цельже- ийготыш шудымо- влак дене ответственный койыш-шоктышыштым вияҥдыме да правовой грамотностьыштым нӧлталме профилактике паша лийын. Мутланыме радамыште тунемше- влаклан административный, уголовный дв граждан ответственность нерген каласкаленыт. Тыгай ответственность ийготыш шудымо- влакымат тӱка. Посна тӱткышым законым пудыртымылан мо лийын кертмылан ойырымо.- Правонарушенийым 18 ийыш шудымо еҥ ыштен гынат. Самырык тукымлан пӱсын шогышо темымат тарватыме. Тиде- «дроп» да банк картылам закондымын кучылтмо дене кылдалтше йодыш. Кугурак следователь де прокуратурын еҥже тидымат умылтареныт: ийготыш шудымо- влак ондалкалыше схемыш логалын але тудын участникше лийын кертыт да тидлан могай ответственность вучымо нерген ойленыт. Пит-байк але изи-мотоцикл дене кудалыштме дене кылдалтше нарушений- влакымат ӧрдыжеш кодымо огыл. Мероприятий тунемше- влаклан путырак келшен. Нуно тӱрлӧ йодышым пуэденыт. Тыгай вашлиймаш- влак самырык- влаклан законым шуктен илаш да нунын коклаште правонарушенийым ончылгоч шижтараш полша.
Фото: Марий Элысе Следствий виктем
