Марий книга фестивальын Гран-прижым Башкирийысе савыктыш сеҥен налын
Марий книга фестивальын Гран-прижым Башкирийысе Зайнаб Биишева лӱмеш «Китап» савыктышын лукмо «Сила в единстве. Многонациональная Россия. Произведения классиков» сборникше сулен налын. Савыктыш тыгак «Литературно-художественный книга» номинацийыште эн сай лийын. Тыге тудым жюри кок пачаш аклен. Сборникыш Российысе калык- влак сылнымут классикыштын произведенийышт пурен. Нуныжо элнан икоян да тӱрлӧ тӱвыра поянлыкан улмышт теме дене кылдалтыныт.
Научно-популяр савыктыш коклаште икымше верым Киров гыч Виктор Бакинын «А.Грин без секретов и легенд» книгаже налын. Йоча сылнымут коклаште Коми гыч Станислав Шеменев «Вейкане и тайны темного леса» книгаже дене сеҥен. Эн сай кравеведений савыктыш семын Татар книга савыктышын «Муса Джалиль» книгажым палемдыме. Лӱмын эртарыме сар операцийлан пӧлеклалтше номинацийыште Марий книга издательствын «Герои в наших сердцах» книгалан икымше степенеян дипломым пуымо. Российысе калык- влакын йылмышт дене лукмо эн сай сборник семын «Удмуртий» савыктыш гыч «Серебряные гусли» сборникым шотлымо. Марий книга фестиваль Йошкар-Олаште шымше гыч 9-ше август марте эртен.
Фото: Павел Стариков / Кидшер
Научно-популяр савыктыш коклаште икымше верым Киров гыч Виктор Бакинын «А.Грин без секретов и легенд» книгаже налын. Йоча сылнымут коклаште Коми гыч Станислав Шеменев «Вейкане и тайны темного леса» книгаже дене сеҥен. Эн сай кравеведений савыктыш семын Татар книга савыктышын «Муса Джалиль» книгажым палемдыме. Лӱмын эртарыме сар операцийлан пӧлеклалтше номинацийыште Марий книга издательствын «Герои в наших сердцах» книгалан икымше степенеян дипломым пуымо. Российысе калык- влакын йылмышт дене лукмо эн сай сборник семын «Удмуртий» савыктыш гыч «Серебряные гусли» сборникым шотлымо. Марий книга фестиваль Йошкар-Олаште шымше гыч 9-ше август марте эртен.
Фото: Павел Стариков / Кидшер
