Марий парламентыште кандашымше созыв депутат- влак икымше гана погыненыт

Марий парламентыште кандашымше созыв депутат- влак икымше гана погыненыт
              Марий парламентыште кандашымше созыв депутат- влак икымше гана погыненыт. Сентябрьыште сайлыме Кугыжаныш Погынын депутатше- влак пырля погынымашым эртареныт. Нуно у составын икымше сессийжылан ямдылалтме йодышым каҥашеныт.
Депутат- влакын совещанийыштын икымше заседанийжым шымше созыв Кугыжаныш Погыным вуйлатыше Анатолий Смирнов почын. Тудо коллегыже- влакым сайлыме дене саламлен да у составлан лектышан пашам тыланен. Погынышо- влакым тыгак пашам тӱналме дене Республикысе сайлыме комиссийым вуйлатыше Ирина Татаринова саламлен. Тудо депутат- влакын тичмаш спискыштым каласен. Депутат- влак кандашыме созыв Кугыжаныш Погынын икымше сессийжым эртарыме кечым палемденыт. Тудо икымше октябрьыште лийшаш. Председательым сайлыме марте тудым вӱдаш эн кугурак ийготан депутат Владимир Кожановлан ӱшаныме. Заседанийын  повесткышкыже 19 йодышым пуртымо. Тиде кечынак Кугыжаныш погынын составыштыже оргкомитет кум фракцйиым регистрироватлен: «Единый Российым», КПРФ-ым да ЛДПР-ым.
        Фото: Марий Эл Кугыжаныш Погын.

Прошлые выпуски