Таче воспитательын да школ деч ончыч шуарыше пашаеҥ- влакын кечышт палемдалтеш
Таче воспитательын да школ деч ончыч шуарыше пашаеҥ- влакын кечышт палемдалтеш. Марий Элым вуйлатыше Юрий Зайцев школ деч ончычсо тунемме тӧнеж пашаеҥ- влакым профессионал пайремышт дене саламла. Йоча- влак дене пашам ыштымаш- тиде призваний, куштылго огыл да поро паша. Тудо кугу ответственностьым, уш-акылым, шкем чаманыде тыршымашым, чытымашым йодеш. Нине качестве деч посна йочан личностьшым почын пуаш, тудлан шкаланже ӱшанаш туныкташ да достойный еным шуараш ок лий. Те ньога- влакым кугу илышыш вӱден наҥгайыше улыда, вашла келшаш, мутланаш, шке шонымашым аралаш, нелылыкым сеҥаш, конфликтым пытараш да икте-весым пагалаш туныктеда. Марий Эл Правительствын задачыже- школ деч ончычсо туныктымаш дене чылам авалташ, шинчымашым пуымо качествым нӧлтымаш, педагогике пашаеҥ- влаклан тыршаш келшыше йӧным ыштымаш. Кызыт йоча садлам капитально олмыктымо программыш ушнаш ямдылалтмаш кая. Тудым тӱналме нерген Президент Путин ойлен. Республикыште икмыняр йоча садым чоҥымо гынат, ятыр зданийже уэмдымашым вуча. Пагалыме йолташ- влак тендан профессионализмланда, порылыкланда, чон шокшыланда да йоча- влакым йӧратымыланда тауштем,- ойлалтеш республикым вуйлатышын саламлымашыштыже.
